Cəlilabad şəhəri Heydər Əliyev seyrəngahında “Bir Peşənin Sirri” festivalı keçirilib. Bu haqda məlumatı Cenublu.az bu gün, 1 avqust tarixində Azərtac-a istinadən verir.
Festivalda Bakı, Cəlilabad, Neftçala, Salyan, Şirvandan olan tələbələrin və peşə təmayüllü siniflərin şagirdlərinin əl işlərindən ibarət sərgilər, ustad dərsləri və müxtəlif fəaliyyətlər təqdim edilib. Həmçinin iştirakçılara müxtəlif peşələrin sirri ilə bağlı maraqlı məlumatlar verilib.
Tədbir çərçivəsində əyləncəli oyunlar, viktorinalar keçirilib. Sonda yarışların qaliblərinə dəyərli hədiyyələr təqdim olunub.
Festival Peşə Təhsili üzrə Dövlət Agentliyi və Cəlilabad Dövlət Peşə Təhsil Mərkəzinin birgə təşkilatçılığı ilə baş tutub.
