Rövşən Lənkəranski (Rövşən Rafiq oğlu Canıyev) 27 yanvar 1975-ci ildə Lənkəranda anadan olub.
İş adamı və “avtoritet” kimi tanınan Rövşən Lənkəranski lənkəranlılara hər zaman kömək olub. O, bir çox həmyerlilərini Rusiyada işlə təmin edib, bundan əlavə, Lənkəranski onları qorumaqda da daim kömək olub .
Ana Vətən Partiyasının sədri millət vəkili Fəzail Ağamalı “Qafqazinfo”ya müsahibəsində onun qohumu olan Rövşən Lənkəranskidən danışıb: “... Bir epizodu qeyd etmək istərdim, 2004-cü ildə mən Moskvada infarktdan müalicə olunurdum. Yanvar ayının 3-dən 22-nə qədər Rövşən hər gün dayısı oğlu ilə mənim yanıma gəlirdi. Səhər saat 10-da gələrdi, axşamüstü saat 4-5-də gedərdi. Mən bunu unuda bilərəmmi? Hər şeyə rəğmən, Rövşən Azərbaycandan xaricdə yaşayan və işləyən minlərlə azərbaycanlını kriminal aləmdən, reketlərdən müdafiə edib, onları əzməyə, çətinliklə qazandıqları pullardan məhrum etməyə imkan verməyib”.
Rövşən Lənkəranski 18 avqust 2016-cı ildə Türkiyənin İstanbul şəhərində naməlum şəxslər tərəfindən öldürülüb. Daha sonra o, Lənkəranda Kiçik Bazar qəbiristanlığında dəfn olunub. Deyilənlərə görə, hava limanında onun cənazəsini 60-70 minə yaxın insan qarşılayıb.
