Bu gün Azərbaycanda Novruz bayramının ilk çərşənbəsi olan Su çərşənbəsidir.
Su çərşənbəsi ilə Novruz bayramına hazırlıqlar başlayır. Həmin gün süfrələr təmiz sudan hazırlanmış pürrəngi çay, müxtəlif şirniyyat və yeməklər, əsasən də plovla bəzədilir.
Talışların qədim ənənələrinə görə, su çərşənbəsində sübh tezdən qızlar bulaq üstünə gedər, əl-üzlərini yuyar, axar suyun üstündən tullanar, suya ürəklərini açar, evə qayıdarkən isə bardağı və ya kuzəni su ilə doldurub, evə apararlar. Gətirilmiş suyun bir hissəsi bərəkət rəmzi olaraq həyətə tökülər, bir hissəsi isə gələn ilin su çərşənbəsinə kimi evdə saxlanılar. Talışlar bu suya bərəkət suyu deyirlər.
