Bu gün İmam Hüseynin şəhadət günü - Aşuradır.
Hicri-qəməri təqvimi ilə 61-ci (miladi təqvimilə 680) ilin məhərrəm ayının 10-da, Kərbəla döyüşlərinin sonuncu günündə İmam Hüseyn və onun 72 tərəfdaşı Yezid ibn Müaviyə tərəfindən şəhid edilib. İmamın ailəsi isə əsir götürülüb. Kərbəla döyüşündə şəhid olanların başları nizələrin üstünə keçirilərək, İraqın şəhərlərində göstərilib ki, insanlar bundan ibrət alaraq, xəlifəyə qarşı qiyam etməsinlər.
Hüseyn ibn Əli hicri-qəməri təqvimi ilə 4-cü (623) ilin şaban ayının 3-ü indiki Səudiyyə Ərəbistanının Mədinə şəhərində anadan olub. İmam Hüseyn Əli ibn Əbu Talibin və Xanım Fatimənin oğlu, Məhəmməd Peyğəmbərin nəvəsi və 12 imamdan üçüncüsü olub.
