Masallı rayonunun Boradigah qəsəbəsində yol illərdir baxımsızlıq səbəbindən yararsız vəziyyətdədir.
Sakinlərin Cenublu.az -a verdiyi məlumata görə, xüsusilə yağışlı havalarda yolun ortasında böyük gölməçə yaranır və burada toplanan sular sakinlərin həyətlərinə axır. Nəticədə ev sahibləri həyətə daxil olmaqda çətinlik çəkir, bəzi evlərin qapıları isə su səbəbindən açılmır.
Problemlə bağlı dəfələrlə kənd bələdiyyəsinə müraciət edilsə də, məsul şəxslər məsələyə biganə yanaşıb. Verilən cavab isə dəyişməzdir: "Büdcədə vəsait yoxdur, yaxın zamanda həll olunacaq."
Boradigahlılar aidiyyəti qurumlardan problemi nəhayət nəzarətə götürməyi və real tədbirlər görülməsini tələb edirlər.
