Bitki çaylarından çox istifadə etmək olmaz. Həkimlər bu çayların düzgün hazırlanmasını da bilməyin vacib olduğunu vurğulayırlar. Ümumiyyətlə, bu məhsuldan istifadə edərkən düzgün növləri seçilməli, uyğun şəkildə dəmlənməli və nəzarətli istehlak olunmalıdır.
Bununla belə, bitki çayları həm bəzi xəstəlik əlamətlərini yüngülləşdirir, həm də gündəlik sağlamlıq rejiminə müsbət təsir göstərir. Həzm sistemi narahatlıqlarının müalicəsində çobanyastığı, nanə və ballı nanə çayları önə çıxır. Bu çaylarla yanaşı, adaçayı, zəncəfil, cirə və razyana kimi bitkilər də həzmin asanlaşdırılmasına töhfə verir.
Mütəxəssislər bitki çaylarının hazırlanmasında dəmləmə və qaynatma kimi iki əsas üsulun olduğunu qeyd ediblər. Məsələn, yarpaq və çiçək hissəsi istifadə olunan bitkilər qaynadıldıqdan sonra soyudulmuş suya əlavə edilərək dəmlənməlidir. Zəncəfil kimi kök bitkilər əvvəlcə su ilə birlikdə qaynadılmalı, sonra süzülərək istehlak edilməlidir. Bitki çaylarını gün ərzində 1-3 stəkan içmək idealdır. Çünki çox içəndə yan təsirləri ola bilər. Təbiətdəki bütün çobanyastığı növləri çay kimi istifadə oluna bilməz. May çobanyastığından başqaları allergik reaksiyalara səbəb ola bilər.
Ətraflı Baku TV-nin süjetində:
