"Xanımlar çox qısqancdır. Onların kişilərə qarşı allergiyası var. Son vaxtlar görürəm ki, qadınların kişiyə inamı azalıb. Bu görüntülü danışıq haradan çıxdı, bilmirəm. Xanımım telefonda internet olmayanda belə, özü yükləyir".
Axşam.az xəbər verir ki, bu sözləri müğənni Əlikram Bayramov "Günə bax" verilişində deyib. Sənətçi xanımına danışdığı yalanı açıqlayıb:
"Hər zaman xanımıma deyirəm ki, ilk məhəbbətim sənsən, gözümü açıb səni görmüşəm. Bunu ilk dəfə danışıram, indi özü də baxır. Məktəb illərində bir qızı dəhşət sevmişəm. 8 Martda məktəbə getmirdim ki, ona hədiyyə verməyim. Çox kasıb olmuşuq. 23 fevralda məktəbə getmirdim ki, mənə hədiyyə verməsin. Anam deyəndə məktəbə get, ya dana, ya qoyun “itirirdim” ki, bəhanə olsun. Amma qız gətirib evə qoyurdu hədiyyəni. Hər gün gül tapıb onun keçdiyi körpünün altındakı suya atırdım ki, görsün. Bir gün soruşdu ki, gülü sən atırsan? Dedim, səni sevirəm. İlk məhəbbət başqa olur".
Qeyd edək ki, Əlikram Bayramov Biləsuvar rayonunun Yuxarı Cürəli kəndində anadan olub.
