Azərbaycanda yeni doğulan uşaqlara qoyulan adların statistikası müəyyənləşib.
Modern.az-ın Ədliyyə Nazirliyindən əldə etdiyi məlumata görə, 2024-cü ilin geridə qalan ayları ərzində doğulan oğlan uşaqlarına ən çox Uğur adı qoyulub. Bu ad 1349 uşağa verilib.
Oğlan adları sırasında sonrakı yerləri Hüseyn (1072), Əli (1056), Yusif (925), Raul (827), Ömər (671), Murad (579), Məhəmməd (578), Tunar (533), Ayxan (532) və Adəm (507) tutur. Statistikaya əsasən, bu il qız uşaqlarına ən çox Zəhra adı verilib - 970. Ən çox qoyulan digər adlar isə belə sıralanır: Zeynəb (955), Məryəm (939), Nilay (865), Aylin (863), Melisa (848), Ayla (842), Fatimə (723), İnci (719), Mələk (669).
Qeyd edək ki, son 5 il ərzində də oğlan və qız uşaqlarına ən çox Uğur və Zəhra adları verilib. Belə ki, 5 il ərzində 8601 oğlan uşağına Uğur, 8028 qız uşağına isə Zəhra adı qoyulub.
