Astaralı yazıçı Kəmalə Abiyeva və pianoçu, bəstəkar Pikə Axundovanın Azərbaycanda ilk dəfə “Şuşa ili”nə həsr olunan "Qələbədir adın” monotamaşasının premyerası baş tutacaq. Bu haqda məlumatı Cenublu.az bu gün, 5 sentyabr tarixində Qadinkimi.az saytına istinadən verir.
Belə ki, monotamaşanın libretto hissəsi Kəmalə Abiyevaya məxsusdur. Premyera 18-26 sentyabr tarixlərində keçiriləcək Üzeyir Hacıbəyli XIV Beynəlxalq Musiqi Festivalı çərçivəsində, 21 sentyabr saat 17:00-da Beynəlxalq Muğam Mərkəzində təqdim ediləcək.
Qeyd edək ki, tamaşada Azərbaycanın sabahı – gələcəyin rəmzi kimi yaradılan şəhid övladı obrazının partiyasını Azərbaycanda yeganə kontratenor, 5 oktava səsə malik olan İlham Nəzərovun oğlu, 7 yaşlı Səid Nəzərli səsləndirəcək.
