Astaralı şagirdlər rayonun Heydər Əliyev Mərkəzində ekskursiyada olublar. Bu haqda bu gün, 16 fevral tarixində Cenublu.az mərkəzin rəsmi Facebook səhifəsinə istinadən xəbər verir.
Ekskursiyada şəhərin C.Babayev adına 3 saylı tam orta məktəbinin müəllim və şagirdləri iştirak ediblər. İştirakçılara ümummilli lider Heydər Əliyevin ömür yolunu əks etdirən fotoşəkillər, sənədlər, eyni zamanda Azərbaycan Respublikasının Prezidenti cənab İlham Əliyevin Astara rayonuna səfərlərini əks etdirən fotoşəkillər haqqında məlumat verilib.
Sonda Xocalı soyqırımın 31 illiyi ilə əlaqədar Heydər Əliyev Mərkəzinin
"Elektron kitabxanası"nda saxlanılan kitabların və "Rəssamlıq" dərnəyinin üzvlərinin əl işlərindən ibarət təşkil olunmuş sərgiyə baxılıb.
