Astaranın Ərçivan qəsəbəsində “Wild game Azerbaijan” adlı vəhşi təbiət qoynunda oyun keçirilib. Bu haqda məlumatı Cenublu.az bu gün, 27 may tarixində verir.
Oyunda susuz qalmamaq üçün fərqli mənbələr tapmaq, o cümlədən duzlu suyu şirin suya çevirmək, ocaq qalamaq, sığınacaq düzəltmək, səyahət zamanı üzləşdiyi hər hansı çətinliyin öhdəsindən gəlmək, hətta ilan tutmaq kimi tapşırıqlar var.
“Wild game Azerbaijan” vəhşi təbiət oyununun keçirilməsində məqsəd iştirakçıları dözümlü olmağa, ağır şərtlər altında yaşamağa alışdırmaq, təbiətlə davranış qaydalarını öyrətməkdir. Bu oyunlar həm də vətənpərvərlik hissinin gücləndirilməsi, iştirakçıları pis vərdişlərdən uzaqlaşdırmaq məqsədi daşıyır.
Vəhşi təbiyət oyununa 12 nəfər qatılıb. Onlar iki komandaya bölünərək yarışıblar. Sonra isə fərdi şəkildə mübarizə aparıblar.
Yarış iki həftə davam edib.
