Astara Tarix-Diyarşünaslıq Muzeyində “Tarixin canlı səlnamələri” adlı ekskursiya təşkil olunub. Bu haqda məlumatı Cenublu.az bu gün, 3 avqust tarixində verir.
Ekskursiyada Lənkəran–Astara Regional Gənclər və İdman İdarəsinin Astara rayonu üzrə gənclər və idman sektorunun, Astara Tarix-Diyarşünaslıq Muzeyinin, Astara Gənclər Evinin əməkdaşları çıxış ediblər. Burada Azərbaycanın maddi-mənəvi irsi, tarixi abidələri, fauna və florası, qəhrəmanlıq tarixləri, eləcə də görkəmli dövlət xadimləri barədə ətraflı məlumat verilib.
Daha sonra eradan əvvəlki dövrə aid daş abidələr, tunc dövrünə aid silahlar, orta əsrlərə aid pul sikkələri və zəngin tariximizin yaddaşı olan digər əşyalar nümayiş olunub.
Tədbirdə 22 nəfər iştirak edib.
Ekskursiya Lənkəran–Astara Regional Gənclər və İdman İdarəsinin təşkilatçılığı ilə keçirilib.
