Astarada “Şəhidlərimiz qəlbimizdə yaşayır” mövzusunda sərgi və tədbir təşkil olunub. Bu haqda məlumatı Cenublu.az bu gün, 10 iyul tarixində verir.
Heydər Əliyev Mərkəzində keçirilən tədbir I Qarabağ müharibəsi şəhidi Mahmud Əhmədovun, Vətən müharibəsi şəhidləri Əli Feyziyevin, Rəşad Eyvazovun və Baba Qasımovun doğum günlərinə həsr olunub. Görüşə Mədəniyyət Nazirliyi yanında Mədəni İrsin Qorunması İnkişafı və Bərpası üzrə Dövlət Xidmətinin Salyan Regional İdarəsinin Astara rayonu üzrə nümayəndəliyi, Astara Dövlət Rəsm Qalereyasının əməkdaşları, şəhid ailələri, C.Babayev adına Astara şəhər 3 saylı tam orta məktəbinin müəllim və şagirdləri cəlb olunublar.
Tədbirdə mərkəzin direktoru Kübra Səmədova geniş məruzə ilə cıxış edib.
Daha sonra mövzu ətrafında Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Salyan Regional İdarəsinin Astara rayonu üzrə nümayəndəliyinin əməkdaşı Nadirə Dadaşova, Vətən müharibəsi iştirakçıları Ramazan Dadaşov, Turan Hacıyev, Baloğlan Xudadatov, Hamlet Hamletzadə cıxış ediblər.
Tədbir şagirdlərin suallarının cavablandırılması ilə davam etdirilib.
Yekunda “Rəssamlıq” dərnəyinin üzvlərinin əl işlərindən və Mərkəzin “Elektron kitabxana”sında saxlanılan kitablardan təşkil olunmuş sərgi həyata keçirilib.
