Astara rayonunda “Qara Qarayev dünya musiqi mədəniyyətinin nadir simalarındandır” mövzusunda tədbir baş tutub. Bu haqda məlumatı Cenublu.az bu gün, 5 fevral tarixində verir.
Qara Qarayevin 106 illiyinə həsr olunmuş görüş Heydər Əliyev Mərkəzində keçirilib. Tədbir çərçivəsində “Qara Qarayevin həyat və yaradıcılığı” mövzusunda film təqdim edilib.
Görüş O.Kazimi adına Uşaq musiqi məktəbinin və Ə.Əliyev adına Qapıçıməhəllə kənd ümumi orta məktəbinin iştirakı ilə həyata keçirilib.
Qara Qarayev dünya musiqi mədəniyyəti üçün əvəzsiz bəstəkar olmaqla yanaşı, həm də böyük pedaqoq idi. O, 40 illik pedaqoji fəaliyyəti dövründə Azərbaycanda və ölkəmizin hüdudlarından kənarda ustad kimi tanınan onlarla bəstəkar və musiqişünas yetişdirib.
