Astarada “Məhəmməd Füzuli Azərbaycan ədəbiyyatı və mədəniyyəti tarixinin iftixarıdır” mövzusunda sərgi və tədbir baş tutub. Bu haqda məlumatı Cenublu.az bu gün, 8 fevral tarixində verir.
Məhəmməd Füzulinin anadan olmasının 530 illiyinə həsr olunmuş görüş Heydər Əliyev Mərkəzində təşkil olunub. Burada Mərkəzləşdirilmiş Kitabxana Sisteminin əməkdaşları və Astara rayon Z.Əhmədzadə adına Pensər 2 saylı tam orta məktəbinin müəllim və şagirdləri iştirak ediblər.
Tədbirdə mövzu ətrafında mərkəzin direktoru Kübra Səmədova və Mərkəzləşdirilmiş Kitabxana Sisteminin direktor əvəzi Emil Baxşiyev çıxış ediblər. Daha sonra şagirdlərin mövzu ilə bağlı sualları cavablandırılıb.
Sonda iştirakçılara Məhəmməd Füzulinin əsərlərindən ibarət sərgi təqdim edilib.
