Astarada 1-14 iyul tarixlərində yeniyetmə və gənclər arasında keçirilən rəsm müsabiqəsinin qalibləri müəyyən olub. Bu haqda məlumatı Cenublu.az 14 iyul tarixində Astara rayon Gənclər və İdman İdarəsinə istinadən verir.
Müsabiqədə 41 nəfər istedadlı gənc rəssam iştirak edib. Münsiflər heyətinin rəyinə əsasən:
- I yerə Həbibzadə Filiz Raman qızı (Səncərədi kənd tam orta məktəb, X sinif);
- II yerə Əliyev Əmir Sadiq oğlu (gənc rəssam);
- III yerə Əliyeva Aysun İlham qızı (Şüvi kənd tam orta məktəb, X sinif) layiq görülüblər.
Fərqləndirici yerlərə:
- İsayeva Xədicə Ceyhun qızı (Astara şəhər 6 saylı tam orta məktəb, VIII sinif);
- Mətiyeva Fatimə Elçin qızı (gənc rəssam);
- Axundzadə Əlirza Ramin oğlu (Ərçivan qəsəbə 2 saylı tam orta məktəb, VII sinif) layiq görülüblər.
Fəxri yerləri qazanan və fərqlənən gənclərə Astara rayon Gənclər və İdman İdarəsinin diplomları və hədiyyələr təqdim olunub.
Qeyd edək ki, rəsm müsabiqəsi Astara rayon Dövlət Rəsm Qalareyasında Astara rayon Gənclər və İdman İdarəsi və Astara Rayon Dövlət Rəsm Qalareyasının birgə təşkilatçılğı ilə “Şuşa ili”nə həsr olunub.
