Astara rayonunda “Vətənə, xalqa və dövlətçiliyə misilsiz xidmətin 20 ili” adlı tədbir təşkil edilib. Bu haqda məlumatı Cenublu.az bu gün, 22 dekabr tarixində verir.
Görüş Heydər Əliyev Mərkəzində keçirilib. Burada “Cənab İlham Əliyevin şərəfli 20 ili“ mövzusunda film təqdim edilib.
Tədbirdə son 20 ildə İlham Əliyevin rəhbərliyi ilə ölkə iqtisadiyyatının inkişafı, həyata keçirilən nəhəng infrastruktur layihələri, nəqliyyat sisteminin yenidən qurulması məsələləri müzakirə olunub.
Görüş Ombudsmanın Cənub Regional Mərkəzinin, Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun, Astara rayon Heydər Əliyev Mərkəzinin birgə təşkilatçılığı ilə baş tutub.
