Astara rayon İcra Hakimiyyətində “Heydər Əliyev İli”nin yekunlarına həsr edilmiş yığıncaq keçirilib. Bu haqda məlumatı Cenublu.az bu gün, 28 dekabr tarixində verir.
Yığıncaqda rayon İcra Hakimiyyəti aparatının işçiləri, hüquq-mühafizə orqanlarının, idarə, müəssisə və təşkilatlarının rəhbərləri, ərazi inzibati dairəsi üzrə nümayəndələr, qeyri-hökumət təşkilatlarının nümayəndələri, bələdiyyə sədrləri iştirak ediblər.
Görüşdə Astara rayonunda ilboyu keçirilən tədbirlər və görülən işlər barədə danışılıb.
Yığıncaqda rayon icra başçısı Qəzənfər Ağayevlə yanaşı, Polis şöbəsinin rəisi Azər Cəfərov və YAP rayon təşkilatının sədri Həbib Cəfərov, Dövlət Aqrar İnkişaf Mərkəzinin direktoru Etibar Abbasov çıxış ediblər.
Sonda Prezident İlham Əliyevin Sərəcamına əsasən, “Tərəqqi” medalı ilə təltif olunmuş Astara şəhər inzibati ərazi dairəsi üzrə icra nümayəndəsi Şahverən Cavadova mükafat təqdim edilib, müxtəlif sahələrdə çalışan və çalışdığı sahədə fəallıq göstərən bir qrup şəxslər rayon İcra Hakimiyyəti başçısının fəxri fərmanları ilə təltif olunublar.
