Astara rayonunda “Dünya azərbaycanlılarının həmrəyliyi ulu öndər Heydər Əliyevin ən böyük arzularından biri idi” mövzusunda sərgi və tədbir keçirilib. Bu haqda məlumatı Cenublu.az bu gün, 28 dekabr tarixində verir.
Tədbir Heydər Əliyev Mərkəzində baş tutub. Burada S.Vurğun adına Təngərüd kənd tam orta məktəbinin müəllim və şagirdləri iştirak ediblər. Onlara mərkəzin direktoru Kübra Səmədova və baş fond mühafizi Elza Kazımova tərəfindən mövzu ətrafında geniş məlumat verilib.
Tədbir çərçivəsində 31 Dekabr – Dünya Azərbaycanlılarının Həmrəyliyi Günü mövzusunda film təqdim olunub. Yekunda mərkəzin Elektron kitabxanasında saxlanılan kitabların və "Rəssamlıq" dərnəyinin üzvlərinin əl işlərindən ibarət sərgi təşkil edilib.
