27 yanvar saat 15:00-da Astara rayon Dövlət Rəsm Qalereyasında "Gənclər həftəsi" çərçivəsində "Gənclər gələcəyimizdir" mövzusunda rəsm sərgisi keçiriləcək. Bu haqda məlumatı Astara rayon Gənclər və İdman İdarəsi verib.
2 fevral - Azərbaycan Gəncləri Gününün təsis edilməsinin 25 illiyi münasibətilə baş tutacaq sərgi, gənc istedadların üzə çıxarılması, onların bacarıqlarının aşkar olunması məqsədini daşıyır.
Sərgidə fərqlənən yeniyetmə və gənclər Astara rayon Gənclər və İdman İdarəsinin diplom və hədiyyələri ilə mükafatlandırılacaqlar.
Əlaqə telefonu: 050-758-10-68.
Qeyd edək ki, sərgi Astara rayon Gənclər və İdman İdarəsi və Astara Dövlət Rəsm Qalereyasının birgə təşkilatçılığı ilə baş tutacaq.
