Astarada ulu öndər Heydər Əliyevin 100 illiyinə həsr olunmuş elmi-praktiki konfrans keçirilib. Bu haqda məlumatı Cenublu.az bu gün, 26 dekabr tarixində verir.
Astara şəhərində ulu öndər Heydər Əliyevin 100 illiyinə həsr edilmiş “Ekspertlərin Zirvə Görüşü” Regional Tibbi-Elmi Konfransda Astara Rayon İcra Hakimiyyətinin başçısı Qəzənfər Ağayev, Azərbaycan Ürək və Sağlamlıq Assosiasiyasının idarə heyətinin sədri, Milli Məclisin deputatı Rəşad Mahmudov, TƏBİB-nin İcraçı direktorunun müavini Araz Nəsirov, YAP idarə heyətinin üzvü professor Tofiq Cahangirov, Azərbaycan Kardiologiya Cəmiyyətinin sədri Ülvi Mirzoyev, peşəkar invaziv kardioloq, kardiocərrah həkimlər və digər qonaqlar iştirak ediblər.
Konfransda tibb alimləri, yüksək ixtisaslı, təcrübəli həkimlər ürək-damar xəstəliklərinin müalicəsində tibb elminin nailiyyətləri barədə iştirakçıları məlumatlandırıblar. Cənub regionunda fəaliyyət göstərən kardioloq və terapevt ixtisaslı həkimlərlə ürək-damar xəstəliklərinin müalicə və profilaktikasında yeniliklər, ölkəmizdə və dünyada mövcud vəziyyət, çətinliklər və onların həlli yolları müzakirə olunub. Tədbirin davamı olaraq 24 dekabr tarixində “Sağlam gələcək üçün birlikdə yürüyək” devizi altında konfrans iştirakçıları Astara Dənizkənarı Park-Bulvar kompleksində idman yürüşü ediblər.
Qeyd edək ki, konfrans Azərbaycan Ürək və Sağlamlıq Assosiasiyası, Azərbaycan Kardiologiya, Azərbaycan Ürək və Damar Cərrahiyyəsi Cəmiyyətlərinin və Astara Rayon İcra Hakimiyyətinin birgə təşkilatçılığı ilə baş tutub.
