Astarada “Nə? Harada? Nə zaman?” intellektual oyunun finalı keçiriləcək.
Cenublu.az məlumat verir ki, “5 Dekabr - Beynəlxalq Könüllülər Günü” münasibətilə oktyabr və noyabr aylarında keçirilən turlarda qalib gələn komandalar finalda böyük mübarizəyə çıxaraq bilik və zəkalarını bir daha sınayacaqlar.
Bildirilib ki, finalda Astara Olimpiya İdman kompleksində qaliblərə mükafatlar təqdim olunacaq.
Birinci yerdə qərarlaşan komandaya İdman Kompleksində 3 saat futbol, voleybol və bilyard oynamaq, ikinci yer tutan komandaya 2 saat futbol və voleybol oynamaq, son yer tutan komandaya isə 1 saat futbol oynamaq imkanı veriləcək.
Final dekabrın 3-də saat 15:00-da Astara Olimpiya İdman Kompleksində baş tutacaq.
