Astarada Dünya Azərbaycanlılarının Həmrəyliyi Gününə həsr olunmuş əsgər və zabitlərlə görüş və mükafatlandırma mərasimi keçirilib. Bu haqda məlumatı Cenublu.az bu gün, 29 dekabr tarixində verir.
21 nəfərin iştirak etdiyi tədbirdə çıxış edənlər əsgər və zabitlərə dövlət sərhədlərinin qorunmasında və hərbi xidmətdə uğurlar arzulayıb, 31 Dekabr – Dünya Azərbaycanlılarının Həmrəyliyi Günü və Yeni il münasibətilə onları təbrik ediblər. Qeyd olunub ki, ölkə başçısı İlham Əliyevin rəhbərliyi ilə ölkəmizdə hərbi quruculuq, dövlət sərhədlərinin müdafiəsi, maddi-texniki bazanın möhkəmləndirilməsi, çağırışçı gənclərin vətənpərvərlik tərbiyəsi və orduya hazırlığı təmin edilib.
Yekunda 10 əsgər “Dövlət sərhədlərinin qorunması və hərbi xidmətdə fərqləndiyinə görə” Lənkəran-Astara Regional Gənclər və İdman İdarəsinin təşəkkürnamələri ilə təltif olunub.
Qeyd edək ki, tədbir Astara Sərhəd Komendantlığında, Lənkəran-Astara Regional Gənclər və İdman İdarəsinin Astara rayonu üzrə sektorunun təşkilatçılığı ilə baş tutub.
