Astara rayon Olimpiya İdman Kompleksində "Şahin" gənclərin hərbi vətənpərvərlik düşərgəsinə start verilib. Bu haqda məlumatı Cenublu.az bu gün, 23 iyul tarixində Respublika Olimpiya Mərkəzinə istinadən verir.
Düşərgə proqramına əsasən, axşam iştirakçılar ocaq ətrafında yığışaraq maraqlı müzakirələr edib, hərbçilərin döyüş yolu haqqında söhbətləri dinləyiblər. İlk gündə iştirakçılar komandalara bölünüb, ilkin tanışlıq və təqdimatlar həyata keçirilib.
Qeyd edək ki, Gənclər və İdman Nazirliyi tərəfindən keçirilən və Astara rayonunda 6 gün davam edəcək düşərgədə gənclər “Canavarlar”, “Cəsurlar”, “İgidlər” və “Şahinlər” komandalarının tərkibində qələbə uğrunda mübarizə aparacaqlar.
