Astarada şəhid, qazi və müharibə iştirakçılarının yaxınları üçün ödənişsiz kurslar təşkil olunacaq. Bu haqda məlumat Astara Pedaqoji Kollecinin rəsmi Facebook səhifəsində paylaşılıb.
12 fevral tarixindən başlayacaq MS Office kurslarına 5, 6, 7 və 8-ci sinif şagirdləri cəlb olunacaqlar. Astara Pedaqoji Kolleci tərəfindən təşkil olunan kurslara qeydiyyat üçün son tarix 10 fevraldır.
Kursda şəhidlərin məktəbli övladları, nəvələri və bacı-qardaşları iştirak edə bilərlər.
Övladlarının iştirakını təmin etmək arzusunda olan valideynlər (051) 583 30 85 nömrəsi ilə əlaqə saxlaya bilər.
