“Təmiz ölkəm” devizi altında Ümumrespublika Təmizlik Marafonu çərçivəsində Astara, Yardımlı rayonlarının meşə ərazilərində və Lənkəran rayonu “Sonalar bağı”nda iməciliklər keçirilib. Bu haqda məlumatı Cenublu.az bu gün, 19 iyul tarixində verir.
Ekologiya və Təbii Sərvətlər, Gənclər və İdman nazirliklərinin yerli qurumlarının əməkdaşlarının, yerli icra hakimiyyəti orqanlarının, bələdiyyələrin, yerli kommunal müəssisələrin, yerli suvarma sistemləri idarələrinin nümayəndələrinin, sakinlərin və könüllülərin iştirakı ilə keçirilən iməciliklər zamanı tullantı yığılaraq ərazilərdən daşınıb.
Qeyd edək ki, Ümumrespublika Təmizlik Marafonu hər həftənin 4-cü və 6-cı günləri bütün ölkə ərazisində keçirilir və ərazilər barədə elan öncədən Nazirliyin sosial şəbəkə hesablarında paylaşılır.
