Astarada "Start Tech" veb proqramlaşdırma təlimi keçirilib.
Cenublu.az Lənkəran-Astara Regional Gənclər və İdman İdarəsi istinadən xəbər verir ki, təlimin məqsədi gənclərin İTK sahəsində biliklərini artırmaq və proqramlaşdırma bacarıqlarını inkişaf etdirməkdir.
Seminarda gənc veb proqramçılar yeni kodlaşdırma bilikləri əldə edib və müasir texnologiyalarla tanış olublar.
Təlimin moderatoru Xanım Nəzərova iştirakçılara "Düymə etiketləri" barədə məlumat verib, sualları cavablandırıb və praktiki tapşırıqlar təqdim edib. Sonda "Ümumi CSS etiketləri" mövzusunda yoxlama işi və videoçarx nümayiş etdirilib.
Qeyd edək ki, təlim Astara Gənclər Evi Sosial Xidmət Müəssisəsində Lənkəran-Astara Regional Gənclər və İdman İdarəsinin təşkilatçılığı ilə baş tutub.
