Gənclərin İnkişafı və Karyera Mərkəzi Astara nümayəndəliyi 2022-ci il üçün ilk həftəlik fəaliyyət planını ictimaiyyətə təqdim edib. Bu haqda məlumat Astara Gənclərinin rəsmi İnstagram hesabında paylaşılıb.
Belə ki, 11 yanvar saat 15:00-da mərkəzdə "Şəxsi İnkişaf təlimləri" baş tutacaq.
12 yanvar saat 15:00-da “Biznes klubu” layihəsi çərçivəsində "Biznes qurmağın yolları" mövzusunda təlim keçiriləcək.
13 yanvar saat 15:00-da gənclərimiz üçün maarifləndirici təqdimat nümayiş olunacaq. Təqdimatda gənclər Şindan, Divankə, Yekdəst, Qala-Kafu qalaları haqqında məlumatlar alacaqlar.
15 yanvar saat 11:00-da gənclər "Biz səninləyik!" layihəsi çərçivəsində, psixoloq Leyla Hüseynova ilə görüşəcəklər.
Əgər sən də Astara Gənclərinin üzvü olaraq inkişaf etmək istəyirsənsə, nümayəndəliyin sosial şəbəkə hesablarına müraciət edə bilərsən.
