Şagirdlərinin sevimli müəllimi olan Babək Rzazadə Amerika Fulbright TEA (Ümumi Pedaqoji Kohort) təqaüd proqramının qalibi olub. Bu haqda bu gün, 7 sentyabr tarixində Cenublu.az xəbər verir.
Astara şəhər 1 saylı tam orta məktəbin İngilis dili müəllimi olan Babək Rzazadə ABŞ-də 6 həftəlik proqramda iştirak edəcək. Bu uğuru əldə etmək üçün Babək müəllim müəyyən mərhələlərdən keçib.
Fulbrayt Müəllim Mübadilələri ABŞ Dövlət Departamenti və ABŞ Hökuməti tərəfindən maliyyələşdirilir və IREX tərəfindən idarə olunur. Proqramlar Fulbrayt Xarici Təqaüd Şurasının müəyyən etdiyi siyasətlərlə idarə olunur.
Layihə çərçivəsində qalib müəllimlər altı həftəlik proqram üçün ABŞ-yə dəvət olunurlar. Babək müəllim ev sahibi olan universitetdə peşəkar inkişaf üçün akademik seminarlarda iştirak edəcək.
