Əmənkiştəpə nekropolu Masallı rayonunun Ərəb kəndində yerləşir. Nekropol antik dövrə aid edilir [2]. Həmin nekropol 1989-cu ildə Azərbaycan Milli Elmlər Akademiyasının Tarix İnstitutunun “Talış-Muğan arxeoloji ekspedisiyası”nın tərkibində arxeoloq Abuzər Ələkbərovun rəhbərlik etdiyi “Masallı” dəstəsi tərəfindən aşkar olunub.
Bu nekropolun yerləşdiyi ərazidən saxsı qırıntılar, dən üyütmək üçün əl daşı, müxtəlif əmək alətləri və digər maddi-mədəniyyət nümunələri aşkar edilib. Bundan əlavə, Əmənkiştəpə nekropolunun ərazisindən çox sayda mis və gümüşdən olan pullar da tapılmışdır. Sikkələr tədqiq olunduqdan sonra onların Atabəylər dövləti (1136-1225) dövründə zərb olunduğu sübut olunmuşdur. Hazırda həmin pullar Milli Azərbaycan Tarixi muzeyində qorunur.
Sovet dövründə Əmənkiştəpə nekropolu təsərrüfat işləri ilə əlaqədar şumlanmışdır. Nekropol olan ərazi isə torpaq sahəsi kimi yerli sakinlərə paylanmışdır [1].
Hal-hazırda Əmənkiştəpə nekropolu ölkə əhəmiyyətli memarlıq abidəsi statusunu daşıyır [2].
Ədəbiyyat:
