Müəllimlər arasında təşkil olunan "İlin gənc müəllimi – 2023" müsabiqəsində top-100-lük müəyyən edilib. Bu haqda məlumatı Cenublu.az bu gün, 19 mart tarixində verir.
Lənkəran–Astara Regional Təhsil İdarəsinə daxil olan məktəblərdə çalışan müəllimlər də bu siyahıda yer alıblar:
- Dünya Veysəlova – Lənkəran rayonu Gərmətük qəsəbə tam orta məktəbi;
- Firuzə Mirzəyeva – Ş.Əliyev adına Astara rayonu Rüdəkənar kənd ümumi orta məktəbi;
- Aynur Ələkbərli – Rafiq Əlihəsənov adına Masallı şəhər 1 saylı tam orta məktəbi;
- Nərmin Məmmədova – Lənkəran şəhər Xarici Dillər Təmayüllü gimnaziyası;
- İman İbrahimov – Lənkəran rayon Viyən kənd tam orta məktəbi;
- Tural Mehtiyev – S.Əsədov adına Cəlilabad rayon Əliqasımlı kənd tam orta məktəbi;
- Nəriman Məmməzadə – Q.Əhədov adına Lerik rayon Xanagah kənd tam orta məktəbi;
- Gülağa Rəhmətov – Lerik rayonu Anbu kənd tam orta məktəbi;
- Məhərrəm Əliyev – Lerik rayonu Blaband kənd tam orta məktəbi.
Qeyd edək ki, siyahıda olan 100 müəllim içərisindən ilk onluq seçiləcək. İlk onluq yalnız onlayn səsvermə yolu ilə deyil, həm də yüksək nüfuza malik elm və təhsil xadimlərindən ibarət komissiya üzvlərinin dəyərləndirməsi əsasında müəyyən ediləcək.
Müsabiqə AzEdu.az Təhsil Portalının təşkilatçılığı ilə keçirilib. Məqsəd motivasiya dolu həyat hekayələri olan, faydalı işlər görən ən yaxşı orta məktəb müəllimlərini ictimaiyyətə tanıtmaq və mükafatlandırmaqdır.
