Boburum adlanan ərazi Masallı rayonunun Tatyanoba kəndində yerləşir.
Ehtimal olunur ki, “Boburum” sözünün ilkin variantı “Boborum” olub və bu ad orta əsrlərdə yaranıb. “Boborum” sözündə “bobo” - baba, müqəddəs şəxsin adı, “rum” - qızılbaş rumlu tayfa adının fonetik dəyişmiş şəklidir. Guman edilir ki, səfəvilərin hakimiyyəti dövründə rumlu tayfalarından olanlar Tatyanoba kəndinin ərazisində olduqlarından bu yer sonradan bu cür adlandırılıb [1].
Bundan əlavə, “Boburum” sözü baba çayı, ulu çay mənasında da işlənə bilər. Bu ərazinin Alvadı çaya və Tatyan çaya yaxın olması həmin fikri təsdiqləyir.
Bu ərazidə yeni daş dövrünə aid (neolit) əl çapacağı, oraq dişləri, bıçaqlar, qaşovlar və digər maddi-mədəniyyət nümunələri aşkar olunub. Boburum nümunələri 8-9 min il əvvəl burada yaşamış insanların məişət və təsərrüfat həyatını özündə əks edir [2].
Ədəbiyyat:
