Bu gün ağac budama işləri ilə əlaqədar 110/35/10 kV-luq "Lənkəran-2" yarımstansiyasından qidalanan 10 kV-luq "6 saylı" şəhər xəttində planlı təmir işləri aparılacaq.
Cenublu.az xəbər verir ki, görülən işlərlə əlaqədar şəhərin bəzi ərazilərində elektrik enerjisinin verilişində müvəqqəti məhdudiyyət yaranacaq. Belə ki, saat 10:00-dan 13:00-dək Heydər Əliyev prospekti, Paşa Təhməzov, Anar Mahmudov, Balaməmməd, Məhəmməd Əmin Rəsulzadə, Şirəli Axundov və Sahil küçələrində elektrik enerjisinin verilişi dayandırılacaq.
Eyni zamanda, Lerik Elektrik Şəbəkəsinin ərazisində 110/35/10 kV-luq "Lənkəran-1" yarımstansiyasından çıxan "Hamarat" hava xəttində təmir işləri aparılacaq. Bununla əlaqədar olaraq saat 10:00-dan 12:00-dək Biləsər, Hamarat, Rvarud, Siyov və Veri kəndlərində elektrik enerjisinin verilişində fasilə yaranacaq.
Biləsuvar Elektrik Şəbəkəsinin ərazisində isə 110/35/10 kV-luq "Biləsuvar" yarımstansiyasından qidalanan 10 kV-luq 7 saylı hava xəttində təmir işləri həyata keçiriləcək. Bu səbəbdən saat 11:00-dan 13:00-dək Xırmandalı kəndində elektrik enerjisinin verilişində müvəqqəti fasilə olacaq.
Qurum sakinlərdən yaranmış müvəqqəti narahatlığa görə anlayış göstərmələrini xahiş edib.
