Sabah İmişli, Saatlı və Sabirabad rayonlarında mavi yanacağın verilişində məhdudiyyətlər olacaq.
Cenublu.az xəbər verir ki, bununla bağlı məlumatı "Azəriqaz" İstehsalat Birliyi yayıb.
Qurumdan bildirilib ki, SOCAR-ın "Qaz İxrac" İdarəsi tərəfindən "Azadkənd–İmişli" yüksək təzyiqli magistral qaz kəmərinin (diametri 530/377/325 mm) korroziyaya uğramış hissələrində təmir-bərpa işləri aparılacaq.
Təmir işləri ilə əlaqədar saat 09:00-dan etibarən işlər başa çatanadək İmişli və Saatlı rayonlarının tam ərazisində (46 071 abonent), həmçinin Sabirabad rayonunun bəzi kəndlərində (26 672 abonent) qaz təchizatı dayandırılacaq.
