Saytımıza müraciət edən müəllim Lənkəran şəhər bazarından hərəkət edən Parakənd-Xanbulan marşrut avtobusundan şikayət edir. Bu haqda məlumatı Cenublu.az bu gün, 25 noyabr tarixində verir.
O bildirir ki, avtobusun qeyri-müəyyən qrafikinə görə hər səhər işə gedərkən əziyyət çəkir:
“Avtobus qrafikə görə hər səhər saat 07:15-də bazardan çıxıb kəndə getməlidir. Amma deyilənə görə, bazardan yox, birbaşa evindən gedir. Biz bu halda nə etməliyik? Sürücünün evinə gedib orada avtobusa minməliyik? Hər səhər eyni əziyyəti çəkirik, dərsə gecikirik, sonra bizə buna görə töhmət verilir. Xahiş edirik, aidiyyəti qurum məsələni nəzarətə götürsün”.
