Bakıda ər-arvadın mübahisəsi cinayət işi ilə nəticələnib.
Salyan rayon sakini, 1987-ci il təvəllüdlü Aydın həyat yoldaşı Gülarə ilə yaşadıqları evdə mübahisə edib.
İstintaq sənədlərinə görə, hadisə günü Aydın kafeyə getmək istəyib. Gülarə isə buna etiraz edərək, kafeyə getsə, arxasınca gedəcəyini deyib. Buna əsəbiləşən Aydın arvadının üzərinə gedərək sinəsindən vurub. Gülarə yıxılaraq xəsarət alıb.
Aydın ifadəsində həyat yoldaşının ona nalayiq ifadə işlətməsinə əsəbiləşdiyini və onu bu səbəbdən vurduğunu bildirib. Gülarə isə ərinin son vaxtlar evə gec gəlməsi səbəbindən aralarında mütəmadi mübahisələr olduğunu, əvvəllər də əri tərəfindən döyüldüyünü deyib.
Qadın hadisədən sonra DİN-in 102 qaynar xəttinə müraciət edib və ərindən şikayətçi olduğunu bildirib.
Aydına Cinayət Məcəlləsinin 128-ci maddəsi ilə ittiham verilib. Sabunçu Rayon Məhkəməsinin hökmü ilə ona 1000 manat cərimə cəzası təyin edilib.
Adlar şərtidir.
Demokrat.аz
