Lənkəranda atalığı tərəfindən döyülən 3 yaşlı uşağın vəziyyəti ağır qiymətləndirilir.
Cenublu.az xəbər verir ki, hadisə bu səhər şəhər ərazisində qeydə alınıb. Belə ki, 2023-cü il təvəllüdlü uşaq müxtəlif dərəcəli bədən xəsarətləri ilə təcili olaraq Lənkəran rayon mərkəzi xəstəxanasının Təcili yardım şöbəsinə hospitalizasiya olunub.
Uşağa ilkin tibbi xidmətlər göstərilib, vəziyyəti ağır qiymətləndirilir. Valideynlər, ilkin məlumatda övladlarının digər uşaqlarla oynayərkən xəsarət aldığını iddi ediblər. Araşdırmalarla məlum olub ki, 3 yaşlı uşaq atalığı tərəfindən döyülüb. Artıq aidiyyəti qurumlar hərəkətə keçib. Uşağın səhhəti və təhlükəsizliyi nəzarətə götürülüb.
Daxili İşlər Nazirliyinin Mətbuat Xidmətinin Lənkəran regional qrupundan bildirilib ki, hazırda qeyd edilən faktla bağlı Lənkəran Şəhər Rayon Polis Şöbəsində təhqiqat araşdırması aparılır. Müvafiq ekspertiza təyin edilib, araşdırmanın nəticəsindən asılı olaraq hüquqi qiymət veriləcək.
