Masallıda yeni salınan asfalt örtüyü qısa müddətdə yararsız hala düşüb.
Cenublu.az xəbər verir ki, Masallı rayonunun Boradigah qəsəbəsində yol örtüyü üzərində təxminən ay yarım əvvəl başlanan asfaltlama işləri yarımçıq saxlanılıb. Nəticədə qısa müddət ərzində asfalt örtüyü deformasiyaya uğrayaraq yararsız vəziyyətə düşüb.
Mövcud vəziyyət yol-tikinti işlərinin icrasında nəzarət mexanizmlərinin gücləndirilməsinin vacibliyini bir daha gündəmə gətirir. Sakinlər aidiyyəti qurumlardan məsələnin araşdırılmasını, texniki qiymətləndirmə aparılmasını və yaranmış problemlərin aradan qaldırılması üçün zəruri tədbirlərin görülməsini tələb edirlər.
