Lənkəran şəhəri Səttarxan küçəsində, 9-cu xətt ərazisində elektrik enerjisinin verilişində ciddi problem yaşanır.
Cenublu.az xəbər verir ki, vətəndaşların sözlərinə görə, elektrik enerjisi tez-tez kəsilir və qısa müddət sonra yenidən bərpa olunur. Videoda da elektrik enerjisinin abonentlərə necə ötürüldüyü əyani görünür.
Bildirilir ki, bu vəziyyət məişət avadanlıqlarının sıradan çıxmasına və sakinlərə maddi zərər dəyməsinə səbəb olur.
Vətəndaşlar problemin araşdırılmasını və elektrik enerjisinin normal, fasiləsiz verilişinin təmin edilməsini istəyirlər.
