Qida Təhlükəsizliyi Agentliyinin əməkdaşları Lənkəran şəhəri, İ. Səmədzadə küçəsində fəaliyyət göstərən, sahibkar Əkbərov Etibar Müzəffər oğluna məxsus çörək istehsalı sexində yoxlama aparıblar.
Cenublu.az xəbər verir ki, baxış zamanı qida təhlükəsizliyi sahəsində texniki normativ-hüquqi aktların tələblərinin pozulduğu müəyyən edilib.
Yoxlama zamanı istehsal obyektində sanitar-gigiyenik və sanitar-texniki tələblərə əməl olunmadığı, həmçinin istehsal edilən çörək məhsullarının etiketlənmədiyi aşkarlanıb.
Faktla bağlı sahibkar barəsində inzibati protokol tərtib edilib. Çörək istehsalı sahəsinin fəaliyyəti nöqsanlar aradan qaldırılanadək müvəqqəti məhdudlaşdırılıb.
