Lənkəran şəhəri, Nizami küçəsinin xəndəkləri tutulub. Bununla bağlı sakinlər bu gün, 21 iyul tarixində Cenublu.az-a müraciət ediblər.
Sakinlər bildirirlər ki, Lənkəran rütubətli olduğundan xəndəklərdə ot tez-tez bitir.
“Xəndəyi ot basdığından kanal tutulur və oradakı su yığılaraq ətrafa pis qoxu yayılır. Xahiş edirik aidiyyəti qurumlardan, məsələyə nəzər salsınlar və xəndəyin təmizlik işlərini mütəmadi olaraq qrafikə uyğun aparsınlar”, - deyə sakinlər bildiriblər.
Məsələ ilə bağlı Lənkəran Kommunal Xidmətləri İdarəsinə müraciət etdik. İdarədən bildirildi ki, ərazi mütəmadi olaraq təmizlənir, lakin xəndəklərin üstü açıq olması səbəbindən tez-tez çirklənir. Yaxın zamanda ərazi yenidən təmizlənəcək.
[URIS id=41593]
