Lənkəranda kifayət qədər köhnə avtobus var. Bu haqda məlumatı Cenublu.az bu gün, 24 iyul tarixində verir.
Əsasən, şəhərətrafı kənd və qəsəbələrə işləyən marşrut xətlərində bu cür avtobuslara daha çox rast gəlinir. Onların əksəriyyəti artıq istismar müddətini başa vursa da, hələ də yollarda hərəkət etməyə davam edir.
Köhnə avtobuslarda yayda və qışda mənzilbaşına getmək sərnişinlər üçün çətinlik yaradır. Onlar yayda istidən, qışda isə soyuqdan əziyyət çəkirlər.
Nəzərə alsaq ki, kənddən şəhərə hər gün iş və təhsil üçün gələnlərin sayı az deyil, avtobusların köhnə olması ilə yanaşı, saylarının az olması da sərnişinlər üçün çətinlik yaradır:
“Yayın istisində kondisionersiz avtobusda getmək çox əziyyətlidir. Avtobusların çoxu artıq istismar müddətini çoxdan başa çatdırıb. Avtobuslar tez-tez xarab olur və biz dəfələrlə yarı yolda qalmışıq: işə, dərsə gecikirik. Aidiyyəti qurumlardan xahiş edirik, məsələni nəzarətə götürsünlər”, - deyə sakinlər bildiriblər.
[URIS id=41740]
