Lənkəran rayonunun Kərgəlan kəndinin sakinləri yollarının yararsız halda olmasından narazıdırlar. Bu haqda məlumatı Cenublu.az bu gün, 2 avqust tarixində verir.
Sakinlər iddia edirlər ki, “Nur” marketinin yanındakı yol uzun müddətdir ki, baxımsız vəziyyətdədir. Yolun nahamar olması səbəbindən nəqliyyat vasitələrinin detalları sıradan çıxır. Onların sözlərinə görə, yağışlı havalardan sonra vəziyyət daha da dözülməz olur.
Sakinlər ümid edirlər ki, aidiyyəti qurumlar yaxın zamanda yolun təmir işlərini aparacaqlar.
