Lənkəran rayonunun Cil kəndinin sakinləri bu gün, 9 mart tarixində Cenublu.az-a müraciət ediblər.
Sakinlər bildiriblər ki, ötən ilin noyabr ayında internet kabellərinin çəkilməsi üçün müvafiq qurum tərəfindən yollar qazılıb:
“Vilvan kəndindən Cil kəndinə kimi yol qırağı ərazi qazılıb. Yağış yağdıqda bütün yol palçıq olur. Bura bir müddət öncə öz hesabımıza çınqıl tökmüşdük. Qazıntı aparılandan sonra ərazinin əvvəlki görkəminə qaytarılmasını istədik. Lakin qurumdan heç bir cavab ala bilmədik. Xahiş edirik, məsul qurum qazılan ərazini əvvəlki görkəmə gətirsin”.
