Lənkəran şəhərinin sakinləri yolların yararsız halda olmasından narazıdırlar. Bu haqda məlumatı Cenublu.az bu gün, 10 avqust tarixində verir.
Belə ki, Vaqif Hüseynov küçəsindəki yol uzun müddətdir ki, baxımsız vəziyyətdədir. Yolun asfaltsız və nahamar olması səbəbindən nəqliyyat vasitələrinin detalları sıradan çıxır.
Sakinlərin sözlərinə görə, yayda yollar toz-torpaq olur, qışda isə palçıq. Yağışlı havalardan sonra vəziyyət daha da dözülməz olur, çünki küçədə, demək olar ki, xəndək yoxdur. Yağışlar yağanda su yolda qalır və sakinlər piyada hərəkət edə bilmirlər.
Sakinlər ümid edirlər ki, aidiyyəti qurumlar yaxın zamanda yolun təmir işlərini aparacaqlar.
https://cenublu.az/storage/photos/2023/08/gorizontalnoe_1.mp4
