Lənkəranda avtomobilin turist avtobusuna çarpılması nəticəsində ölən və xəsarət alanlar var. Bu haqda məlumatı Сenublu.az bu gün, 29 may tarixində verir.
Hadisə rayonun Xanbulan yolu adlandırılan Hirkan-Daşdatük-Biləsər yolunda baş verib. "Nissan Tiida" markalı minik avtomobilinin turist avtobusu ilə toqquşması nəticəsində avtomobilin sürücüsü, Lənkəran rayonunun Liman şəhər 2 saylı tam orta məktəbinin direktoru Ramiz Şahvəli oğlu Məmmədov xəstəxanada vəfat edib.
Avtomobildə olan digər sərnişinlər - Tahir Zülfüqarov və Şakir Həbibov müxtəlif dərəcəli bədən xəsarətləri alıblar. Yaralılar Təcili Tibbi Yardımın köməyi ilə Lənkəran Rayon Mərkəzi Xəstəxanasına çatdırılıblar.
Qeyd edək ki, Şakir Həbibov Lənkəran Dövlət Universitetinin riyaziyyat kafedrasının müəllimidir. Tahir Zülfüqarov isə uzun illər Lənkəran Şəhər İcra Hakimiyyətində məsul vəzifələrdə çalışıb, hazırda isə LDU-da inzibati işdə işləyir.
Onlar vaxtilə dərs dedikləri Lənkəran şəhər 3 nömrəli məktəbin məzunlarının məktəbi bitirmələrinin 30 illiyi ilə əlaqədar tədbirə gedərkən qəzaya düşüblər.
[caption id="attachment_38949" align="alignnone" width="336"]
Foto açıq mənbələr[/caption]
