Lənkəranda 3 nəfərin xəsarət alması ilə nəticələnən yol-nəqliyyat hadisəsi qeydə alınıb. Bu haqda bu gün, 7 mart tarixində Cenublu.az Report.az-a istinadən xəbər verir.
Hadisə Lənkəran-Boradigah yolunun Vilvan kəndi ərazisində qeydə alınıb. "VAZ-21015" markalı avtomobillə "Mercedes" markalı avtomobil toqquşub. Qəza nəticəsində 36 yaşlı Masallı rayon Ərkivan qəsəbə sakini Elçin Əlihüseyn oğlu Təhimov, 41 yaşlı Lənkəran rayon Mollakənd kənd sakini Nazim Tehran oğlu Əliyev və 44 yaşlı Lənkəran şəhər sakini Ülviyyə Malik qızı Məmmədova müxtəlif dərəcəli bədən xəsarətləri alıblar.
Onlar Lənkəran rayon mərkəzi xəstəxanasına çatdırılıblar.
Hadisənin başvermə səbəbləri barəsində araşdırma aparılır.
