Lənkəranda yol-nəqliyyat hadisəsi baş verib. Bu haqda məlumatı Cenublu.az bu gün, 15 noyabr tarixində Report.az-a istinadən verir.
Hadisə Lənkəran-Boradigah-Masallı yolunun Girdəni kəndi ərazisindən keçən hissəsində qeydə alınıb. Belə ki, “Qazel” yük avtomobili ilə "VAZ-21011" markalı minik nəqliyyat vasitəsi toqquşub. Nəticədə 2 nəfər Lənkəran rayon sakini – 39 yaşlı Mirmayis İbrahimov və 35 yaşlı Elmin Rzayev və 5 nəfər Bərdə rayon sakini – 66 yaşlı Roza Hümmətova, 43 yaşlı Sevinc Hüseynova, 42 yaşlı Sevil Hüseynova, 39 yaşlı Ramin Hüseynov və 14 yaşlı Yasəmən Şirinzadə müxtəlif dərəcəli bədən xəsarətləri alıblar. Zərərçəkənlər Lənkəran Rayon Mərkəzi Xəstəxanasının Acil şöbəsinə yerləşdiriliblər.
Qeyd edək ki, Roza Hümmətovanın vəziyyəti ağır qiymətləndirilir.
Araşdırma aparılır.
