Lənkəran şəhəri, Qala Xiyabani küçəsində yerləşən piyada səkisi 3 aydan çoxdur ki, təmir olunmur. Bu haqda məlumatı Cenublu.az bu gün, 20 iyul tarixində verir.
Sakinlər bildirirlər ki, bir müddət öncə burada uşaqlar üçün əyləncə mərkəzi tikilərək səkilərin yenilənməsi nəzərdə tutulub:
“Amma bu qədər vaxt keçməsinə baxmayaraq, təmir işləri getmir. 3 aydan çoxdur ki, şəhərin mərkəzində piyadalar səkidən istifadə edə bilmirlər. Məcburən çıxırıq avtomobil yoluna və həm öz həyatımızı, həm də sürücüləri təhlükəyə atırıq. Xahiş edirik, aidiyyəti qurumlar məsələni nəzarətə götürsünlər”, - deyə sakinlər bildiriblər.
Qeyd edək ki, daha öncə avtomobillərin parkınqi üçün istifadə edilən əraziyə cari ilin mart ayında attraksion yerləşdirilib və bura uşaq meydançası kimi istifadə olunurdu. May ayından isə burada uşaqlar üçün qapalı əyləncə mərkəzi tikilməyə başlayıb.
[caption id="attachment_41493" align="alignnone" width="336"]
Foto cenublu.az[/caption]
