Bakı-Quba magistralında iki avtomobilin toqquşması nəticəsində əslən Masallıdan olan 2006-cı il təvəllüdlü Səma Cəmaləddin qızı Mirzəyeva və onun qardaşı, 2001-ci il təvəllüdlü Ramal Cəmaləddin oğlu Mirzəyev hadisə yerində həyatlarını itiriblər.
Onlar Masallıda torpağa tapşırılıblar.
Qeyd edək ki, mərhum bacı-qardaş toydan qayıdarkən qəzaya düşüblər.
Ramal Mirzəyev Azərbaycan Dövlət İqtisad Universitetinin Biznes və menecment fakültəsinin məzunu olub. Bacısı Səma isə Bakı Dövlət Universitetinin Beynəlxalq münasibətlər və iqtisadiyyat fakültəsinin "Dövlət və ictimai münasibətlər" ixtisasının üçüncü kursunda təhsil alırdı.
